My first attempt for a big one !!! & its one of my favourites

Yeh raat bheegi bheegi si,
namkeen si lagti hai badi...
Tere bheege naino se jhalakti khushi,
ab achhi lagti hai badi...
Garajti hai yeh raat toh garajne do,
bheegne do saare aalam ko...
Saawan barse toh dil tarse,
aisi mohabbat achhi lagti hai badi...


Barsaat ki aakhri boond,
aur iss pyaar ki pehli raat...
Koyal ki kook ko chhod
sunti rahun teri har baat...
Neendein bhulaaye,
aankhon mein aankhein dalti achhi lagti hain badi...
Phir iss mausam mein,
baahen baahon ko lapet ti achhi lagti hain badi... 


Sooraj ki kirno mein dhoondun,
jab tere chehre se roshni paa chuki hun main...
Ab mausam ki kya fikar karun,
jab tere dil mein hi jagah paa chuki hun main...
In aankhon se judi palkein meri,
jhapakti hain toh achhi lagti hain badi...
Koi sarsaraati hawaa chhoo jaaye gar labon ko,
tab un hothon ki hassi achhi lagti hai badi...


Shaam ko kaise manaoun,
ki raat ki beqaraari rehti hai har waqt...
Tere saath rehne ki aarzoo mein,
wahi raat yaad rehti hai ab har waqt...
jab,,,,,,,,,,,,,,,,,,,,,,
Woh raat bheegi bheegi si,
namkeen si lagti thi badi...
Aur tere bheege naino se jhalakti khushi,
achhi lagti thi badi...

Hope you all like it :)

- Mohena

This one's a special one. . . . .

Teri baansuri mein aisa kya jaadoo hai...
Jo fida kar jaata hai mujhe har baar...


Teri iss adaa mein aisi kya baat hai...
Jo tujhe poori kayenaat se alag banati hai har baar...


Chain bhi tum, qaraar bhi tum,
deedaar bhi tum, meri saansein bhi tum...


Mar miti hun tujh par is kadar...
Ki teri yaad sataati hai pal pal mujhe har baar...

Hope you all like it :)

- Mohena

Tujhe paakar kho kaise dun main...
Tujh bin zindagi kam na kar dun...
Is chaandni raat mein tanha kaise rahun main...
Us raat mein jeena hi khatam na kar dun main...

Hope you all like it :)

- Mohena

Tujhe dil mein basaya hai maine,
dhadkan mein samaya hai maine...


Din mein sapne sajaakar,
raaton ki neendein chheeni hai tere khyaalon ne...


Chahe jo samajhlo ise,
mera ishq ya meri qayamat...


Sadaa ke liye palti rahe tere liye,
yahi ijaazat maangi hai rab se maine...

Hope you all like it :)

- Mohena

Lafzon se kya bayaan karein,
aankhon se hi padh lijiye...


Apni daastaan kis tarah se sunaayein,
humaari mohabbat se hi kuch ishaara le lijiye...


Aakhir kya hai jo rokta hai, tokta hai
aapko pyaar karne se...


Phir iss dil mein apne naam ka,
pyaar bhara ek deep hi jalaa dijiye...

Hope you all like it :)

- Mohena

Tu hi rab, tu hi jahaan hai ab...
Mere dil ka sukoon tujhmein basta hai ab...


Tu hi raasta, tu hi manzil hai ab...
Dil ko teri hi talaash rehti hai har waqt ab...


Tu mujhmein samaa kar, mere dil ko bhaata hai ab...
Har khwahish, har zaroorat, tujhse poori hoti hai ab...


Tu mere liye, main tere liye bani hun ab...
Rab kare tera yeh saath na chhoote ab...

Hope you all like it :)

- Mohena

Chain ab humein aata nahi...
Faasle mitaana bhi aata nahi...
Pyaar toh karna jaante the hum, magar...
Ab use bhulana hi aata nahi...

Hope you all like it :)

- Mohena

Sapnon ke iss bhanwar mein,
aao hum aur tum kahin kho jayein...


Kuch tum bolo, phir kuch hum kahein,
yuhin saath hamesha nibhayein...


Pyaar se bhi pyaare lagte ho tum,
bas yahi kahungi...


Bhool kar iss duniya aur duniya walon ko,
aao chalo hum dil se dil milaayein...

Hope you all like it :)

- Mohena

Koi iss dil se poochhkar toh dekhe,
ki kya chhupa hai isme...


Apne seene se koi lagaa kar toh dekhe,
ki dukh ka maahol khatam ho jaaye iss dil mein...


Koi sun sake toh sune toh sahi,
iss dard bhari aawaz ko...


Kahin aisa na ho ki pyaar karne wala zinda na rahe,
par pyaar ka ehsaas phir bhi jagaa rahe uss dil mein...

Hope you all like it :)

- Mohena

Aankhen teri yeh jaise samundar ki gehraayi...
Le doobe mujhe yeh teri aawaz, teri har harqat, teri har angdaayi...
Bas teri ek jhalak ko dekh kat jaaye yeh zindagaani meri...
Sirf tere kareeb rehne ki zaroorat thi, par ab ho chuki hun paraayi...

Hope you all like it :)

- Mohena

Udo toh panchhi banke udo...
Khuli aankhon mein sapne hazaar buno...
Kambakht zindagi bhi ek hi mili jeene ke liye...
Ae-khuda, mere is jeevan ki chahat ki aahat toh suno...

Hope you all like it :)

- Mohena

Yun mudkar dobara na dekhna, ke nazar lag jaaye...
Paas aakar tanha na chhod dena, ke saath chhoot jaaye...
Thaame tumhara haath, chalna hai sang tumhare hamesha...
Toh chalo kahin chale meelon door, chhod ghamon ke saaye...


Hope you all like it :)


- Mohena

Tum saath raho mere hamesha, yahi karti hun dua...
Mere jeevan ko mehka kar ye kya kara, jaise kisi behti hawaa ne ho chhua...
Lo haari main, socha ki na yaad karungi tumhe kabhi...
Phir kyun tere pukaarne se jaise dil mein kuch kuch hua..?

Hope you all like it :)

- Mohena

A lesson for all --

Kal jo beet gaya use wapas na aane dena...
Khushi ke har pal ko sajaa ke rakhna...
Woh kehte hain pyaar bina jeena hai kya, marna hi hai achha...
Par humne kaha, jiyo toh sabke dil mein rehke warna kahin na rehna...

Hope you all like it :)

- Mohena

Na jaane koi ankahee baat reh jaati hai dil mein...
Tujhe khone ke darr se hulchul ho jaati hai mann mein...
Aage kya ho, na main jaanu na janna chahun...
Shayad woh ehsaas hi hai jo rab dikhata hai tujh mein...

Hope you all like it :)

- Mohena

My first attempt at a shayari --

Nazar ye tujhse hat ti nahi...

Jeene ki wajah kam lagti nahi...

Chahe jahaan rahun, zameen ya aasmaan...

Par mohabbat kabhi kam hogi nahi...


Hope you all like it :)

- Mohena